Текст песни
Күн сүрэх күһэҥэлээх,
Үһүс харах бастыҥалаах
Ис силис айылҕаттан
Ситии ситим удаҕаттар
Ил-эйэ дүҥүрдэнэн,
Үргэл сулус тымырданан
Аар Кудай айыытыгар,
Холбоннулар махталыгар.
Киэҥ куйаар аанын аста!
Аар Кудай ыһыах ыста!
Үс куту бииргэ түмэр,
Таптал тыла саталанна.
Үс дойду кутун таҥар,
Көмүс алгыс кутулунна.
Олоҥхо дойдутугар,
Кэрэ эйгэ туойбутугар
Кыыс кута уһугунна,
Аан Алахчын алы гынна.
Киэҥ куйаар аанын аста!
Аар Кудай ыһыах ыста!
Кыыһар сарыал имэрийэн,
Кыыһым имэ тэтэркэйиэн.
Айылҕалыын эйэлэһэн,
Күбэй ийэм эйэҕэһиэн.
Кыыдаан кыһын кыһарыйан,
Эбээм тыына кырдьаҕаһыан.
Үһү тиһэр туруктанным,
Тэҥҥэ үҥэр тобуктанным.
Киэҥ куйаар аанын аста!
Аар Кудай ыһыах ыста!
