Фатима Азаматова Анам

Кючюн къанын аямайын
Естюрдю баланы
Эй бала сен унутмайын
Разы эт анангы

Мутхуз кюнню джарыкъ этген
Сенсе, анам, джаным
Джюреклеге джылыу берген
Сенсе мени наным

Анам деген эм ариу сез
Джашнасын дунияда
Анам деген эм татлы сез
Дарманды джарагъа

Разы болса ананг сенге
Ачымай джашарса
Ана къачын унутма сен
Къартлыгъына джарарса

Сенда бир кюн уллу болуб
Балаларынг ёсерле
Ананг юретген затла да
Эсинге тюшерле

Анам деген эм ариу сез
Джашнасын дунияда
Анам деген эм татлы сез
Дарманды джарагъа

Ана сют бла бериледи
Адеб намыс балагъа
Тюз джолунда юретеди
Онглу Ана балагъа

Уллу Аллахдан мен тилейме
Саулукъ аналагъа
Джер юсюнден эм насыблы
Болсунла анала

Анам деген эм ариу сез
Джашнасын дунияда
Анам деген эм татлы сез
Дарманды джарагъа