Текст песни
Монэ яратӥсь пиосмурт
Небыт тулкымен монэ ӝут
Тон ӝут пилемлэсь но вылэ
Усём ке – ӵошен – пӧсь тылэ
Отын, тыл пӧлын, бырыны
Номыр кадь ӧвӧл ук мыным
Тонэн ке, ӵошен ке, артэ
Тон ик туганэ, тон – картэ
Ноку но медам луы мурт
Монэ яратӥсь пиосмурт
Кошкод ке но, лыкты берен
Тон – пӧсь шоканэ, шобыре
Тон ӝуатскы, ӝуа но сут
Тон шӧдыты, шӧд, кузьма шуд
Усём ке – ӵошен – пӧсь тылэ
Лобӟом ке – инлэсь но вылэ…
Небыт тулкымен монэ ӝут
Тон кузьма мыным капчи бурд
Тон кузьма мыным капчи бурд
Монэ яратӥсь пиосмурт.
Усём ке
Ӵошен пӧсь тылэ
Лобӟом ке
Инлэсь но вылэ…
Небыт тулкымен монэ ӝут
Тон кузьма мыным капчи бурд
Отын, тыл пӧлын, бырыны
Номыр кадь ӧвӧл ук мыным
Тонэн ке, ӵошен ке, артэ
Тон ик туганэ, тон – картэ
Ноку но медам луы мурт
Монэ яратӥсь пиосмурт
