Текст песни
Возьвыл сяська, чебер сяська
Со но возез шулдыртэ
Пинал даур со но сяська
Со но туж сэрыт ортче
Сяська толзиз, быриз, куасьмиз
Шуса ти эн малпалэ
Аслэсьтиз нош чеберъёссэ
Кидыз пушказ ик кельтэ
Арлыдоесь ни ми шуса
Мылкыддэс эн куашкатэ
Адсконтэм нош чеберъёсэз
Сюлэм пушказ ик кыле
Яратон со тылжу овол
Вуен сое уд кысы
Серметэз но солэн овол
Арлыд шоры уд учкы
Тазы кырзан, веран сямдэс
Ноку но ти эн куштэ
Азьланяз но улонады
Капчи мылкыд со сётэ
Возьвыл сяська, чебер сяська
Со но возез шулдыртэ
Пинал даур со но сяська
Со но туж сэрыт ортче
