Текст песни
Кенета шинчаваш вашлиймаш
Лач кок еҥ
Чон икгай
Ик шижмаш
Так тыглае ок лий нимоат
Вашлиймаш
Тиде тат
Тый да мый
Илышнам виктара пӱрымаш
Ваш ыштен
Да ушен
Кок шӱмнам
Тиде тат лач мемнамак вучен
Пиалнам
Шыматен
Арален
Нигунам ит йомдаре чонем
Яндар вӱд – шыргыкталше вием!
Нигунам ом йомдаре чонет
Сын памаш мый лиям – ший вӱдет
Шӱдыр йӱд лач тӱрлен шыматен
Кид копаш
Шӱдырнам
Кучыктен
Так тыглае ок лий нимоат
Тек йӱла
Кок чонна
Волгыжалт
