Текст песни
Чапшым ом волто, шагал суртан манын
Пелне кугорно; ом ойло удам
Почылтын ӱмыржӧ тыште ачамын
Шочмо ялнам ача лӱм гай лудам
Шочмо ялна
Шочмо суртна
Илыш ямна
Чон пиална
Эр ӱжара дене мушкылтын алын
Ял калыкем тарвана сомыллан
Мый кугешнем - улам эргыже ялын
Мый куанем ӧрдыж еҥ омыллан
Родо-ешан шочмо ялна
Кушкын тышан шӱм пиална
Тыште муат чон мурымат
Тыштак почат эл корнымат
Кинде таман пасунан кечывалже
Водыжо ялын мылам шӧр таман
Тек йолгорнем тӧрза ончыч тӱҥалже
Ӱмыр пасум элна гоч эртыман
Ме эртена ӱмыр пасум
Эл корнынам, ямле - асум
Волгыдо эр, пагыт чевер
Ончылнына - шочмо элна
Ялын айдемынлак мурыжо лийже
Пыл ынже петыре умыр кавам
Тек ушештарыже ялын чурийже
Икшывым кучышо Юмынавам
Шочмо ялна
Шочмо суртна
Илыш ямна
Чон пиална
Ялна
