Текст песни
Айыылартан алгыстардаах
Саргыланар аартыктардаах
Иэйэхситтэн арчыламмыт
Таптыыр дойдум күн сыдьаайдаах
Сылаас тырым сарыаллардаах
Биһиктэммит Сахам Сирэ
Үрүҥ Айыы харысхаллах
Дуораһыйар олоҥхолоох
Ойор тэйэр оһуокайдаах
Төрүт дойдум Сахам сирэ
Өбүгэттэн киирбит сиэрдээх
Үрүҥ тунах ыһыахтардаах
Хомуһуннаах хомус тыыннаах
Олоҥхолоох оһуокайдаах
Кыынньар кымыс утахтардаах
Ытык дойдум Сахам Сирэ
Сайдам көрсүө үтүө- мааны
Дьоһун сэмэй көнө дьонноох
Дьол чыычааҕа уйаламмыт
Оҕо аймах кэнчээрилээх
Эдэр ыччат кэскиллэрдээх
Үтүөкэннээх Сахам Сирэ
