ишкин оглу, Белла Балгазыннын кежээлери Prod. by Седен-Очур Кара-Сал

Оожум салгын оюн эреп эстеп келгеш
Оңмас ногаан хадыларны эргеледир
Орлан оолдар, баштак кыстар четтинчипкеш
Омак-хөглүг танцылап, ырлажы бээр

Эх! Балгазынның кежээлери
Магаданчыг кежээлери

Пөрүк кыс дег томаанныг Сой чылар-чылбас
Агымнарын чоорту шуудуп ойнап чыдар
Мөңгүн-биле чайырлаан дег, чедишкен ай
Айдыңын төп, шөлээн дээрде салдап чоруур

Эх! Балгазынның кежээлери
Барыксанчыг кежээлери

Сыгыргалар уян үнү имир уткуй
Шыргайлардан медээлежип кыйгыржы бээр
Чалыыларның чүректери ынакшылга
Чайгаар алзып, сеткилдери көзели бээр

Эх! Балгазынның кежээлери
Маажым, шыпшың кежээлери