Текст песни
Кырык вӹлнӹ шачмы ӹшке солаэм
Мадын йога изи Йынгы вӹд
Садвлӓ лошты шӹнзӓ пун томаэм
Ласкон анжен шалгем тӹдӹм мӹнь
Кырык сиреш мӹньӹ шачын кушкым
Шылдырангым дӓ вӹсӹшӹм пак
Ӓти, ӓви, пуры ышым пушда
Тӓ сагада ӹльӹ сусурак
Чонгештенӓ вара кекшӹ семӹнь
Но ӹшке портӹш толам эчеӓт
Сӓртен лыктам шӱм гӹц лакшӹ семӹм
Ӓштем ӓтям, ӓвӓм, тӓнгвлӓмӓт
Нырвлӓ ло дон ӹшке солашкем валем
Ти ялгорным ташкем курымок
Кырык сирем йӹрӹм йӹр анжалам
Дӓ мыралтем мӹньӹ йӓнг вашток
Нырвлӓ ло дон ӹшке солашкем валем
Ти ялгорным ташкем курымок
Кырык сирем йӹрӹм йӹр анжалам
Дӓ мыралтем мӹньӹ йӓнг вашток
