Текст песни
Иртән яңылыш күлдәгемдең
Тиҫкәре яғын кейҙем
Сисеп әйләндереп кейҙем
Шатлыҡҡа булһын тинем
Сисеп әйләндереп кейҙем
Шатлыҡҡа булһын тинем
Гел уң ғына булмай ул
Гел һул ғына булмай ул
Яҙмыш кейгән күлдәк түгел
Сисеп ташлап булмай ул
Гел уң ғына булмай ул
Гел һул ғына булмай ул
Яҙмыш кейгән күлдәк түгел
Сисеп ташлап булмай ул
Һулын, уңын да кейҙергән
Тормошто йәшәйем һөйөп
Ауырлыҡтар аша килгән
Бәхетем татлы - тейеп
Ауырлыҡтар аша килгән
Бәхетем татлы - тейеп
Әле уңын кейҙерә
Әле һулын кейҙерә
Бирешмәм тиһәң дә ҡайһы саҡ
Бирешәм, бирештерә
Әле уңын кейҙерә
Әле һулын кейҙерә
Бирешмәм тиһәң дә ҡайһы саҡ
Бирешәм, бирештерә
Гел уң ғына булмай кеүек
Гел һул ғына булмай ул
Күтәрә алырмы- тейеп
Беҙҙе шулай һынай ул
Күтәрә алырмы- тейеп
Беҙҙе шулай һынай ул
Уң яғы бар, һул яғы бар
Кейгән кейемдәрҙең дә
Әйтеп бөтмәгән сере бар
Донъяларҙа кемдәрҙең дә
Әле уң яҡтан бәрә
Әле һул яҡтан бәрә
Сабыр күңел, түҙем йөрәк
Барыһын да күтәрә
Сабыр күңел, түҙем йөрәк
Барыһын да күтәрә
