Текст песни
Әллә-нигә күңелем борчулы
Җилләр җилкендерә хисләрне
Шул җилләрнең ачылыгын тоям
Тоям дулап җанны кискәнне
Җилләр, җилләр, ашыкмагыз әле
Җан эчендә дулап йөрмәгез
Тормыш үзе ачы давыл төсле
Болай да бит чак-чак түзәбез
Әллә-нигә күңел сагышлана
Җилләр кузгаталар уйларны
Алар сизми тормыш ачылары
Җилекләргә үтеп, туйганны
Әллә-нигә күңелемдә шом бар
Җилләр уяталар ачуны
Язмышымны уйлыйм, аның белән
Уйнап булмый икән качулы
