Текст песни
Къая къызы - къарылгьач
Кьаялада учуучу
Къаялада юй салып
Тагылада туруучу
Къаялада джырлаучу
Назмуларын айтыучу
Нeгe бизни къойдугьуз
Миийк кёкде ойнаучу
Тапка юйюнг къаяды
Ким чачханды уянгы
Неге мындан кетесе
Ексюз этип калангъы
Къая къызы - къарылгьач
Джылай къайры кетесиз
Дорбунланы бош кьоюп
Кимге аманат этесиз
Къышла сууукь боладыла
Къалтыратыр санланы
Агьач отун тапмазса
Бек инджилтир санланы
Сууукь желле гюрюлдеп
Кенг аулакьла агарыр
Аны кибик жайгьыда
Акъ бетинг да къаралыр
Къая къызы -къарылгьач
Кимди сизни къыстагьан
Бу тауланы къызгьанып
Сизни мындан сыйпагьан
Къая къызы - къарылгьач
Узакьлагьа учасыз
Не болгьанды сизлеге
Джылай къайры барасыз
Ачы боран, къар сууукь
Бизни аман къоркъутду
Сюрдю бизни тауладан
Джуртубузну къурутду
Бузук башла,джокъ болсун
Артыкълыкьла этдиле
Уялагьа от салып
Бизни чачып кетдиле
Заман келир таулагьа
Таула кёзю аязыр
Джазда келир ышарып
Залимликле таркьайыр
Къая къызы - къарылгьач
Унутмагьыз тауланы
Ашхы джолгъа барыгьыз
Унутмагьыз бауланы
Узакь джолгъа чыкьгьанбыз
Биз барабыз къазакьгьа
Ексюз къалгьан балала
Джукъ алмайын азыккъа
Не джерледа джюрюрбюз
Айран тапмай аякьгьа
Джылай ата-анала
Таяннганлай таякьгьа
Туугьан, ёсген джуртларын
Джылай , къоюп барабыз
Сау къалыгьыз, тауларым
Энтта сизни табарбыз
