Билигма Ринчинова feat. Сультим Дашипылов Жолооем үргэдэг Агамни Поднимающая поводья Ага

Аргалиин дабаанда аянһаам угтадаг
Арюухан сээжэеэ урдамни дэлгэдэг
Абымни һургаалые, эжымни захяае
Агамни намхандаа үргэлжэ һануулдаг

Дабталга
Аляахан балшартам анхаран тэнжээһэн
Агамни – тоонтомни сэдьхэлдэм мүнхэхэн
Алханын аршаанаар амиием залгажа,
Арюудхан замыем, жолооем үргэдэг

Анханай домогтой Сэрэгхэн нарһаднай
Аажамхан Ононой һэбшээндэ найганад
Адуугаа малнуудаа Агамнай үдхэжэ
Алтанхан таряаниинь талаараа долгилно

Дабталга
Аалихан хэлбэлзээд, гүнгэнэн дуулуулдаг
Алтанһаа сэнтэйхэн Үлгыхэн шулуумнай
Анханһаа наашалан Агынгаа түүхые
Амгалан арьбадхан, жаргалынь сахинхай