Chingis Ынакшылдын дангыраа Prod by Chingis

Бедик дагдан шурап баткан хемчигештиң
Белдир черге бир-ле хемге катчыры дег
Мээң чалыы базымнарым барза-барза
Мээң чүрээм сенде кылдыр каттыштырды

Шапкын аккан чалыы өйнүң хемин куду
Саат чокка салдап чораан мээң хемем
Салымымның чаянынга доктаай бээрге
Сарыым-дыр деп, чүрээм сени танып кагды

Карактарың көрүжүнде – чалгаан далай
Каттыраңнаан шырайыңда – чайыннаан хүн
Чассып келир уян үнүң – хамнаарак куш
Сагыжымда, бодалымда чүгле – сен сен

Ынакшылым, чассыг эжим, менче көрем
Ындынналган чүрээм ырын сеңээ сөңнээйн
Ынак мен деп ийи сөстен сиилбиттинген
Ыдык, өндүр даңгыраамны сеңээ сөглээйн

Карактарың көрүжүнде – чалгаан далай
Каттыраңнаан шырайыңда – чайыннаан хүн
Чассып келир уян үнүң – хамнаарак куш
Сагыжымда, бодалымда чүгле – сен сен