Текст песни
Ханад вай мехк хатар ший хана,дика-во а ханаш дIаихай..
ХIанза-м кхаьчай вайна къонахий зама,хьара болаш сийлахь мехка дай..
Рузкъах ехка яц цар сийлел лакхал,цIийца лораяй шоай сийрда цIе..
Турпал оал вай цараьгI цIераш йоахаш,йоага-м даьра цар дегашка цIи..
Зама-зама хьо я къонахий зама,къама машар бахьаш ений хьо..
Хьийла воIах йоаккхаш миска Нана,сена йода сел сихъенна хьо..
Къонах оал ший мехках вашачинна,къонах оал ший мехка вахачогI..
лора ву из Далла массаз вонах,цар а шоашта бокъон наькъаш ло..
Къонах яхар вац ший мехках воацар,къонах вац ший мехка сий ца дер..
Денал да са яхаш,эздел доацар,къонах вац-цIи йоацаш хул цу дер!
Зама-зама хьо я къонахий зама,къама машар бахьаш ений хьо..
Хьийла воIах йоаккхаш миска Нана,сена йода сел сихъенна хьо..
Лорабелаш ГIалгIай массахана,вай дохь сий ца дохкаш бахараш..
кха хугйий а хац къонахий зама,ДАЛА лорадолд шо яхалаш..
ТIема Iазап пхьена унзар лараш,ма ахийта наьха маьрша цIий..
Машар яхач дешах мах ховж бараш,цараьгI ала доагIа-Къонахий..
Зама-зама хьо я къонахий зама,къама машар бахьаш ений хьо..
Хьийла воIах йоаккхаш миска Нана,сена йода сел сихъенна хьо..
