Текст песни
Ынакшылым хүлээп аап көр
Ырыларым дыңнап билип көр
Ындыналган аялга-биле
Ыстаан чүреккейим эмне
Кара-хүрең карактарыңны
Катыраңнаан шырай-арныңны
Каас-чараш дурт сыныңны
Катап-катап көрүкседим
Үени тургузуптаал
Үен-даян бодалдарны утуптаал
Сагыш-сеткил, угаан, медерел, бодал
Аяс дээр дег арыг боор деп бодап ал
Чалгыннар тыптып келди менде хенертен
Чамбы-диптиң ортулуунче чүгле эзертен
Чаражым кыс сеткилимни сен өөртүп чор сен
Чараш-каас чурталганы көргүзүксээр-дир мен
Чүгле сени, чаңгыс сени
Чүреккейим шилип алды
Чүгле сеңээ, чаңгыс сеңээ
Чүстүк-билзек сөңнекседим
Сени шак бо өртемчейге
Чаяп берген ада-иеңге
Четтиргеним илередип
Черге чедир мөгейер мен
Ынакшылымны хүлээп ал-даан
Ырыларым дыңнап, билип көрем аан
Ындыналган аялгам чүгле сен-сен
Ыстаан чүреккейниң эми сен-дир сен
Чалгыннар тыптып келди менде хенертен
Чамбы-диптиң ортулуунче чүгле эзертен
Чаражым кыс сеткилимни сен өөртүп чор сен
Чараш-каас чурталганы көргүзүксээр-дир мен
