Текст песни
Ачай jалаҥ чечектеп
Ачай jалаҥ чечектеп
Чокту кебис jайылат
Салкын кообы ойгозып
Табыштанып айланат
Бурайышкан кылгана
Булут ээчип jайканат
Ару кейде чагана
Эзлик бӱрдеҥ jытанат
Кырлаҥ кескен jолдордо
Курагандар маҥтажат
Койу jажыл одордо
Эне койлор маражат
Амыр энчӱ кобыда
Айыл седеҥ кӧрӱнет
Кезер таштыҥ jанында
Jаткан уйлар кепшенет
Кайзырыкту балыктар
Шоркыраган суузында
Jӧдӱлдеген бакалар
Колосколу сазында
Эзин jылу кайкалап
Ээлгир мести сыймады
Кӧӧрӧм jӱрек кайылып
Алтайымда ойгонды
