Текст песни
Эштиң-өөрнүң чалгыы-биле
Эскербейн чораан бодуң
Чааскаан арткаш, сактыышкынның
Саргыдарын билбээн боор сен:
Бижип кааным ырым дыңнап,
Бистиң өйнү эргий сактып,
Белдир орук уунче харап
Мени манап олур сен бе?
Камнавааның өшкен отту
Катап күзеп, чүшкүрбейн көр:
Хая соктаан ышкаш болба,
Канчап черле дедир эглир?!
Кады турган үелерниң
Кайгамчыктыын чарашсынып,
Каттырып-даа, муңгарап-даа,
Хандыр бодап олур сен бе?
Чоор ону уттувут деп
Чоргаар чаңың күткүзе-даа,
Балыгланган чүрээң дүне
База катап ыглай бээрге,
Аарышкыдан, хараадалдан
Арыг дамды бадып келир -
Алдын хүн дег ынакшылды
Ам-даа сактып чору сен бе?
