Текст песни
Хүннүң чырыы доңган чүрээм эргискен дег
Хүлүмзүрүүң чуруктардан көрүп ор мен
Сеткилимде оңган чечек катап частып
Сени сактып бодалдарда алзып ор мен
Частың чылыы идегелим оттурган дег
Сагыжымда овуруңну чуруп ор мен
Сеткилимде кара булут эстип-хайнып
Сени бодап уяралда алзып ор мен
Тыныжым боор аялгалар, ырыларым
Ырак сеңээ сеткилимни илеретсин
Чалгыным боор бодалдарым, шүлүктерим
Сарыым сеңээ хандыкшылым илеретсин
Дээрниң дүвү күзелдерниң төнмези дег
Эргим үнүң дүнелерде дүжээр-дир мен
Хөрек долган чажыттарны ара октааш
Хостуг-чоргаар
чуртталгаже кады базаал
Черниң каазы - ынаныштың өлбези дег
Эрес чаңың болганчок-ла сактыр-дыр мен
Чүрээвисте сезиглелди уъдуп алгаш
Амыр-шөлээн амыдырал кады тудаал
Тыныжывыс - аялгалар, ырыларда
Дыңнап ханмас ынакшылывыс үнүнде
Чалгынывыс - чараш бодал, шүлүктерде
Чалданыш чок ийи бистиң чүрээвисте
