Текст песни
Сарсыҥҥы сып сылаас күһүҥҥү күммүнэн
Сайыным алгыстаах ааннарын сабыаҕым
Сымнаҕас силбиктээх отунан үктэнэн
Сөп сөрүүн хаһыҥнаах кэмнэрбэр ааһыаҕым
Күһүнүм кэрэҕин наскыйа чуумпуран
Көмүстээх мөһүүрэ симэххэр сууланан
Күлүккүн көрүнэ налыйа турарыҥ
Күлүмнэс күннэргин күндүлүү уунарыҥ
Күһүҥҥү айылҕам дьэрэкээн оһуорун
Тэлээрэ тэлгэнэр сэбирдэх ардаҕын
Көрүөхтэн кэрэкий дьиктилээх күннэрин
Күүппүтүм нуһараҥ бу наҕыл чуумпутун
Сарсыарда саһарҕа саҕахтан кыыһарын
Салгыҥҥа чап чараас тумарык тыынарын
Саккырыыр сиппэрэҥ оргууйдук устарын
Сиккиэр тыал сэмэйдик сипсийэн ааһарын
