Текст песни
Тулабар тунаарар туманныы сыһылла
Тумарык сиик көтө силбэһэ эргийдэ
Күөх отум дьэҥкир уу таммаҕа сыыйылла
Оҕуруо кэриэтэ тиһиллэ килбэйдэ
Симэнэ дьэрэкээн өҥүнэн оһуордуу
Сибэкки тэтэрэ хонуубар тэлгэннэ
Сымнаҕас күөх окко суулана суһумнуу
Сүмэһин утаҕар дуоһуйа бигэннэ
Күн сылаас сардаҥа утаҕа килбиктик
Күлүмнүү сандаара дьэргэйэн таҕыста
Сииктээх от чаҕыллар ньууругар симиктик
Сып сылаас мичээрин түһэрэ оонньоото
