Текст песни
Кыыс Амма өрүспүт барахсан
Килбик кыыс суһуоҕун санатан
Кылбаҥныы долгуйа устаҕын
Кырылас кумаҕы суурайан
Уу долгун сүүрүккэр охсуллан
Туос тыылар ааһаллар тунааран
Ып ыраас байҕалыҥ устунан
Усталлар Эбэбит ньуурунан
Чөмчүүк таас өҥүнүү күлүмнээн
Чээлийэ субуллан нуоҕайан
Харама хайатын аннынан
Халыйан ааһаҕын нарыннык
Оҕо аймах эйиэхэ мустаннар
Оһуокай эйгэтин этэннэр
Оһуордаах сүүрүккүн айхаллаан
Ойуолуу оонньууллар кытылгар
