Вероника Степанова, Валерий Данилов Эн мичээргин эргитэ

Сэрэнэн сэрэнэн күнтэн күн элээрэр
Саһарбыт сэбирдэх тыаһа суох тэлээрэр
Сайыным бүтэһик күннэрэ күөгэйэр
Сайыһа санньыйа мин кутум иһийэр

Сарсыарда иһирэх чуумпуга бигэнэн
Сурэҕим кистэлэн ырыатын ыллаһар
Сэрбэйбит алтан от сыһыыга сэгэйэн
Сэргэхтик ситэрэ оргууйдук кыттыһар

Салгыҥҥа курустук нуһаран сиэттиһэр
Ситтэрбэт санаабын батыһа көтүһэр
Сылаас тыал уоскута сэмэйдик сипсийэр
Сүрэхпэр эн сылаас мичээргин эргитэр

Сып сырдык ып ыраас тапталы санатар
Саһыарбыт күннэри хатылыы хаамтарар
Сырдыгы кэрэни көччүтэ сырсыһар
Ситээри мин ырам эргийсэ кылыйсар